ကျင့်ဝတ်စည်းကမ်း၌ ကျွန်ုပ်တို့လုပ်ဆောင်ပေးနေသော အချက်အလက်စစ်ဆေးခြင်းဆိုင်ရာ အဓိကကျသည့် စည်းမျဉ်းများကိုထည့်သွင်းဖော်ပြထားသည်။

အချက်အလက်စစ်ဆေးသူတစ်ဦးသည်

၁။ သတင်းလွတ်လပ်ခွင့်၊ လွတ်လပ်စွာရေးသားဖော်ပြခွင့်နှင့် ပြည်သူလူထုသို့ အသိပေး တင်ပြခွင့်ဟူသောအခြေခံမူများကို ကိုင်စွဲထားရမည်။

၂။ အများသူငှာရရှိနိုင်သော ခိုင်မာသော သတင်းရင်းမြစ်များဖြင့်သာလျှင် သတင်းအချက် အလက်များကို တိကျသေချာမှုရှိစေရမည်။

၃။ ရင်းမြစ်များအား သွားရောက်ဖတ်ရှုနိုင်သော Website များနှင့် ဆိုရှယ်မီဒီယာ platform များကို  စေ့စေ့စပ်စပ်ဖော်ပြ ပေးထားရမည်။ ထို့အပြင် ဖြစ်နိုင်ပါက ကျွမ်းကျင်ပညာရှင်များ၏ အမည် (လုံခြုံရေးအရ နာမည်လွှဲပြောင်းနိုင်)နှင့် ကျွမ်းကျင်ပညာရပ်များအား ဖော်ပြပေးထားပါမည်။ 

၄။ မည်သည့်လွဲမှားချွတ်ချော်မှုမျိုးကိုမဆို အဖွဲ့အစည်း၏မူဝါဒနှင့်အညီ ပွင့်လင်းမြင်သာမှုရှိရှိ အမှန်ပြင်ဆင်ပေးရမည်။

၅။ ခိုင်လုံကြောင်းသက်သေပြရန် သို့မဟုတ် ငြင်းပယ်ရန်အလို့ငှာ မှန်းဆချက် သို့မဟုတ် ထင်မြင်ချက်မပါရှိစေဘဲ အထောက်အထားတင်ပြပေးရမည်။

၆။ တာဝန်ပေးအပ်မှုများအားထမ်းဆောင်သည့်အခါ အဖွဲ့အစည်းအတွင်း၊ အဖွဲ့အစည်းပြင်ပ ဆက်သွယ်ဆောင်ရွက်မှုများ အားလုံး၌ အဖွဲ့အတွင်းမှ တာဝန်ရှိသူဖြစ်ကြောင်း အထောက် အထားကို အသုံးပြုပါ။ သို့သော် အဖွဲ့အစည်း၏မူဝါဒအရ ရေးသားသူ မည်သူမည်ဝါ ဖြစ်ကြောင်း မည်သည့်စာကြောင်းမျှ သို့မဟုတ် မည်သည့်ဖော်ထုတ်ပြသမှုနည်းလမ်းမျှ အသုံးမပြုရပါ။ အဖွဲ့အစည်း၏ မူဝါဒအရ ရေးသားသူ (ကလောင်နာမည်) အား  လူအများမြင်တွေ့နိုင်မည့် အဖွဲ့အစည်း၏ဝက်ဘ်ဆိုက်ပေါ်သို့တင်ပေးထားမည်ဖြစ်သော်လည်း မည်သည့်ရေးသားဖော်ပြထားမှုနှင့်မျှချိတ်ဆက်ပေးထားမည်မဟုတ်ပါ။

၇။ ဖော်ပြပြီးဖြစ်သော အကြောင်းအရာအချက်အလက်များအား အဖွဲ့အစည်း၏ Website နှင့် Social Media ပေါ်ရှိ သွားရောက်နိုင်မည့်လိပ်စာများကို ပြန်လည်ဖော်ပြပေးထားမည် ဖြစ်သော် လည်း ရေးသားသူ တစ်ဦးချင်းအား ထည့်သွင်းဖော်​ပြခြင်းမပြုပါ။ 

၈။ မူလရင်းမြစ်သတင်းအချက်အလက်များကို ချွင်းချက်မရှိ ရိုးသားဖြောင့်မတ်ကာ ပွင်းလင်း လွတ်လပ်သောနည်းလမ်း များဖြင့်ရယူရမည်။

၉။ ရင်းမြစ်များအားစစ်ဆေးပြီး တိကျမှုစံနှုန်းများအတိုင်း အံဝင်ဂွင်ကျမထုတ်ပေးနိုင်သောအ ခြားသူများ၏ အကြောင်းအရာ အချက်အလက်များကို ကိုးကားခြင်းကိုလည်း မပြုလုပ်ရပါ။ 

၁၀။ ဓာတ်ပုံများဖြစ်စေ၊ စာသားများဖြစ်စေ သို့မဟုတ် အခြားမီဒီယာဖြစ်စေ သက်ဆိုင်သ ည့်အကြောင်းအရာများအားလုံး အတွက် မူပိုင်ခွင့်ရှိသူများထံမှခွင့်ပြုချက်ရယူရမည်။

၁၁။ ရေးသားပြောဆိုမှုတစ်ရပ် အပေါ်သုတေသနပြုလေ့လာရာ၌ ယင်းအရာ၏ အရေးပါ သည့်သတင်းအချက်အလက်ကို ချုပ်ထိန်းရန် (မဖော်ပြရန်)  သို့မဟုတ် စစ်ထုတ်ဖယ်ရှားရန် မည်သို့သော ဆွဲဆောင်မှုမျိုးကိုမဆို ငြင်းပယ်ရမည်။

၁၂။ လုပ်ငန်းတာဝန်တစ်ရပ်မထမ်းဆောင်ခင် သို့မဟုတ် ထမ်းဆောင်နေစဉ်အခိုက် အကျိုး စီးပွားချင်းအမှန်တကယ် ရောယှက်နေမှု သို့မဟုတ် ရောယှက်နိုင်မှုကို အယ်ဒီတာဖြစ်သူထံ ပြတ်ပြတ်သားသားအသိပေးပြောဆိုပါမည်။

၁၃။ ပြင်ပပါဝင်ပတ်သက်နေမှုနှင့်  အလေးတယူပြုရနိုင်သောကိစ္စရပ်အတွက်တာဝန်များ ဥပမာ တရားရုံး၌သက်သေ ထုတ်ပေးခြင်း၊ လူထုနှီးနှောဖလှယ်ပွဲများ သို့မဟုတ် ထိုသို့သောပွဲများသို့ (သဘာပတိအဖြစ်၊ ဟောပြောသူအဖြစ်၊ ပါဝင် ဆွေးနွေးသူအဖြစ် မည်သို့ပင်ဖြစ်စေ) တက်ရောက်ခြင်း၊ ရေးသားရမည့်/သုတေသနပြုရမည့်တာဝန်များနှင့် ဝိရောဓိ ဖြစ်နိုင်မည့် အလုပ်အကိုင်၊ နိုင်ငံရေးပါတီတစ်ခု သို့မဟုတ် လူမှုအကြောင်း တရား/လှုပ်ရှားမှုတစ်ခု၏ အဖွဲ့ဝင်ဖြစ်ခြင်း သို့မဟုတ် လူထုအသင်းအဖွဲ့ဖြစ်ခြင်း၊ တာဝန်တစ်ရပ်၏နယ်ပယ်အတွင်း မိသားစုဆက်ဆံရေး သို့မဟုတ် အခြား လူပုဂ္ဂိုလ်ချင်းဆက်ဆံရေး သို့မဟုတ် ငွေရေးကြေးရေးအဆက်အစပ်ရှိမှုတို့ကို အယ်ဒီတာဖြစ်သူထံအသိပေးရမည်။ သတ်မှတ်ချက် နှင့် မကိုက်ညီသော မည်သည့်အချက်မျှမရှိသော်ငြား ဖွင့်ဟအသိမပေးခြင်းသည် ကာကွယ် ပြောဆို၍မရနိုင်ပါ။