Fact-check – Real or Not (ဟုတ်တယ် Vs မဟုတ်ဘူး)
ဩဂုတ် ၁၈၊ ၂၀၂၅
လူမှုမီဒီယာဖေ့ဘွတ်ခ်ပေါ်မှာ ဗိုလ်နဂါးရဲ့ရင်ဖွင့်သံဆိုပြီး အကြောင်းအရာတခုပျံ့နှံ့နေပါတယ်။ အဲ့ဒီအ ကြောင်းအရာကို ရဲဇော် ဆိုတဲ့အကောင့်က ဩဂုတ်လ ၁၅ ရက်နေ့တုန်းက ဖြန့်ဝေထားတာဖြစ်ပြီး Like and React ၃၀၀ ကျော်နဲ့ Share ၂၈ နဲ့ ပျံ့နှံ့နေပါတယ်။ ဖြန့်ဝေထားတဲ့အကြောင်းအရာထဲမှာတော့ ဗိုလ်နဂါးဟာ ဒေါ်သက်သက်ခိုင်ရဲ့ PPPပါတီ ဖိတ်ခေါ်ကမ်းလှမ်းချက်ကိုရရှိထားပြီး လက်နက်ကိုင်လမ်းစဥ်ကိုစွန့်ပြီး လွှတ်တော်အတွင်းဝင်ရောက်တော့မှာဖြစ်ကြောင်းကို ဗိုလ်နဂါးက ပြောဆိုထားတဲ့ပုံစံနဲ့ ဖြန့်ဝေထားတာဖြစ်ပါတယ်။ ဖြန့်ဝေထားတဲ့အကြောင်းအရာကို ဒီလင့်ခ်မှာ ဖတ်ရှုနိုင်ပါတယ်။
Web Archived Link>>> https://archive.is/wip/wdBg6
အချက်အလက်စိစစ်ချက်
ရေးသားဖြန့်ဝေထားတဲ့အကြောင်းအရာမျိုးကို ဗိုလ်နဂါးပြောဆိုခဲ့လားဆိုတာနဲ့ပတ်သက်ပြီး Google မှာ ရှာဖွေကြည့်လိုက်တဲ့အခါမှာတော့ ဗိုလ်နဂါးဟာ ဒီလိုမျိုးအကြောင်းအရာမျိုး ပြောဆိုခဲ့တယ်ဆိုတာကို မတွေ့ရှိရပါဘူး။
ယုံကြည်စိတ်ချရတဲ့ လွတ်လပ်တဲ့သတင်းမီဒီယာတွေနဲ့ ဒေသတွင်းသတင်းမီဒီယာတွေမှာလည်း ဗိုလ်နဂါး ဟာ လက်နက်ချပြီး လွှတ်တော်ထဲဝင်မယ်လို့ပြောဆိုခဲ့တဲ့အကြောင်းကို သတင်းဖော်ပြထားတာမျိုးမရှိ ပါဘူး။
ဗိုလ်နဂါးရဲ့ ဖေ့ဘွတ်ခ်စာမျက်နှာမှာတော့ အရင်တုန်းကလုပ်ခဲ့ဖူးတဲ့အင်တာဗျူးဗီဒီယိုဖိုင်ထဲက ပြော ကြားချက်တချို့ကို ပြည်သူအထင်လွဲစရာဖြစ်အောင် ဖြတ်ညှပ်ကပ်လုပ်ပြီးဖန်တီးထားတဲ့ ဗီဒီယိုကလစ်တခု ပျံ့နှံ့နေပြီး သူ့အနေနဲ့ ဒီလိုမျိုးပြောဆိုထားတာမျိုးမရှိဘူးလို့ ရှင်းလင်းထားပါတယ်။
ဗိုလ်နဂါးရဲ့ ရှင်းလင်းထားမှု>>> https://bit.ly/3HjGLAm
စစ်ကောင်စီရဲ့ ငြိမ်းချမ်းရေးကမ်းလှမ်းချက်နဲ့ပတ်သက်ပြီး ဗိုလ်နဂါးနဲ့ အင်တာဗျူးကို သတင်းထောက်တဦးဖြစ်တဲ့ Thet Htwe Naing အကောင့်မှာ ၂၀၂၄ခုနှစ် အောက်တိုဘာ ၁ရက်နေ့မှာ ဗီဒီယိုဖိုင်တခုတင်ထားပြီး အဲ့ဒီဗီဒီယိုထဲမှာတော့ ဗိုလ်နဂါးရဲ့ပြောဆိုချက်အပြည့်အစုံကိုနားထောင်နိုင် ပါတယ်။ အဲ့ဒီအင်တာဗျူးထဲမှာပြောဆိုထားတာတွေကလည်း လက်ရှိဖြန့်ဝေထားတဲ့ပုံစံနဲ့ ကွဲပြားနေ တယ်ဆိုတာကို စိစစ်တွေ့ရှိရပါတယ်။
ဗိုလ်နဂါးရဲ့အင်တာဗျူးဗီဒီယို >>> https://bit.ly/3HjHgdI
သုံးသပ်ချက်
အထက်မှာဖော်ပြထားတဲ့အချက်တွေနဲ့သုံးသပ်လိုက်မယ်ဆိုရင် ဗိုလ်နဂါးဟာ စစ်ကောင်စီရဲ့ ကမ်းလှမ်းမှု ကြောင့် လက်နက်ချပြီး လွှတ်တော်ထဲဝင်မယ်ဆိုတဲ့ဇာတ်ကြောင်းနဲ့ဖြန့်ဝေထားတဲ့ သတင်းအကြောင်းအရာဟာ လိုသလိုဆွဲပြီး လုပ်ကြံဖန်တီးဖြန့်ဝေထားတဲ့သတင်းအမှားဖြစ်တယ်ဆိုတာကို စစ်ဆေးတွေ့ရှိ နိုင်ပါတယ်။
စာဖတ်ပရိသတ်တွေအနေနဲ့ လူမှုကွန်ရက်ဆိုရှယ်မီဒီယာပေါ်မှာ တွေ့ရှိရတဲ့ သတင်းအကြောင်းအရာ တိုင်းကို အလွယ်တကူ လက်ခံယုံကြည် ပြီး Share မလုပ်ကြဖို့အတွက်ကိုလည်း တိုက်တွန်းချင်ပါတယ်။
တကယ်လို့ ကိုယ်တိုင် သတင်းအမှား/အမှန် ခွဲခြားရခက်နေတယ်ဆိုရင် ဟုတ်တယ် Vs မဟုတ်ဘူး ရဲ့ ဖေ့ဘွတ်ခ်ပေ့ချ် Messenger မှာ သိချင်တဲ့ သတင်းအကြောင်းအရာကို လင့်ခ် ဒါမှမဟုတ် Screenshot တွေနဲ့အတူ လာရောက်ပေးပို့ပြီး သတင်း အမှား/ အမှန် ခွဲခြားခိုင်းလို့ရပါတယ်။ အမြန်ဆုံးစိစစ်ပြီး ပြန်လည်အကြောင်းပြန်ပေးသွားပါမယ်။
Web – https://theredflagmedia.org/
Fb – https://www.facebook.com/realornot.mm
#RealorNor(ဟုတ်တယ် Vs မဟုတ်ဘူး) #Fact-check #အချက်အလက်စစ်ဆေးခြင်း
