Fact-check – Real or Not (ဟုတ်တယ် Vs မဟုတ်ဘူး)
ဩဂုတ် ၂၇၊ ၂၀၂၅
စစ်တပ်ဝါဒဖြန့်တယ်လီဂရမ်ချယ်နယ်တခုဖြစ်တဲ့ ကျော်စွာအကောင့်ကနေ အာဏာသိမ်းစစ်တပ်ကပြုလုပ်မယ့် အတုအယောင်ရွေးကောက်ပွဲနဲ့ ပတ်သက်ပြီးလိမ်လည်ဝါဒဖြန့်ထားတဲ့ အကြောင်းအရာတခုကို ဖြန့်ဝေထားတာ တွေ့ရပါတယ်။ ဖြန့်ဝေထားတဲ့အကြောင်းအရာကတော့ စစ်တပ်ကပြုလုပ်မယ့်ရွေးကောက်ပွဲကို အမေရိကန်အပါအဝင် အာဆီယံကလည်းထောက်ခံတယ်ဆိုပြီးဖြန့်ဝေထားတာဖြစ်ပါတယ်။
“ရွေးကောက်ပွဲကို အမေရိကန်ကလည်းထောက်ခံ တရုတ်ကလည်းထောက်ခံ ရုရှားကလည်းထောက်ခံအာဆီယံကလည်းထောက်ခံ မြန်မာပြည်သူတွေကလည်း အကြမ်းဖက်မှုတွေမလိုလားတော့ဘူး” စတဲ့အကြောင်းအရာတွေနဲ့အတူလိုရာဆွဲပြီးအချက်အလက်အမှားတွေနဲ့ ဖြန့်ဝေထားတဲ့ဒီအကြောင်းအရာ ဟာ ကြည့်ရှုသူ ၃သောင်းကျော်နဲ့ပျံ့နှံ့နေတဲ့အတွက်အချက်အလက်စစ် ဆေးထား ပါတယ်။ ဖြန့်ဝေထားတဲ့အကြောင်းအရာကို ဒီလင့်ခ်မှာကြည့်ရှုနိုင်ပါတယ်။
Web Archived >>> https://archive.ph/Xedls
အချက်အလက်စိစစ်ချက်
အာဏာသိမ်းစစ်တပ်ကပြုလုပ်မယ့်အတုအယောင်ရွေးကောက်ပွဲကို အမေရိကန်နိုင်ငံက ထောက်ခံတယ်ဆိုတဲ့ အကြောင်းအရာနဲ့ပတ်သက်ပြီး အချက်အလက်စစ်ဆေးကြည့်လိုက်တဲ့အခါမှာတော့ အမေရိကန်နိုင်ငံက ဒီလိုမျိုးထုတ်ပြန်ထားတာမျိုး၊ ပြောဆိုထားတာမျိုးလုံးဝမတွေ့ရပါဘူး။
ယုံကြည်စိတ်ချရတဲ့ နိုင်ငံတကာ သတင်းမီဒီယာတွေမှာလည်း အာဏာသိမ်းစစ်တပ်ကလုပ်မယ့် အတုအယောင်ရွေးကောက်ပွဲကို အမေရိကန်နိုင်ငံက ကြိုဆိုတာမျိုး၊ ထောက်ခံအားပေးတာမျိုးနဲ့ပတ်သက်တဲ့ သတင်းတွေရေးသားဖော်ပြထားတာမျိုးလုံးဝ မရှိပါဘူး။
နောက်ထပ်အကြောင်းအရာတခုဖြစ်တဲ့ အာဆီယံကလည်း အာဏာသိမ်းစစ်တပ်ကပြုလုပ်မယ့် အတုအယောင်ရွေးကောက်ပွဲကိုထောက်ခံတယ်ဆိုတဲ့ အကြောင်းအရာနဲ့ပတ်သက်ပြီး အချက်အလက်စစ်ဆေး ကြည့်လိုက်တဲ့အခါမှာတော့ အာဆီယံက ထောက်ခံတယ်ဆိုတာမျိုးလုံးဝမတွေ့ရပါဘူး။
အာဆီယံရဲ့ဝဘ်ဆိုက်ဒ် >>>> https://bit.ly/47QlvNh
အာဆီယံရဲ့ ဇူလိုင်လ ၁၁ ရက်နေ့ မှာ ထုတ်ပြန်ခဲ့တဲ့ထုတ်ပြန်ကြေညာချက်မှာတော့ စစ်တပ်ကပြုလုပ်မယ့်အတုအယောင်ရွေး ကောက်ပွဲကို ရှုတ်ချထားတာဖြစ်ပါတယ်။ အာဆီယံရဲ့ ထုတ်ပြန်ချက်မှာတော့ “မြန်မာစစ်အုပ်စု၏ အမည်ခံရွေးကောက်ပွဲသည် “ဦးစားပေးကိစ္စ” မဟုတ်သကဲ့သို့ “မည်သည့်ပြဿနာကိုမျှ ဖြေရှင်းနိုင်မည်မဟုတ်ဘဲ အခြေအနေများကိုသာ ပိုမိုဆိုးရွားလာစေလိမ့်မည်” ဆိုပြီးထုတ်ပြန်ထားတာတွေ့ရပါတယ်။ အဲ့ဒီအကြောင်းအရာကိုဖော်ပြထားတဲ့ သတင်းမီဒီယာတွေရဲ့ သတင်းတွေကို အောက်က လင့်ခ်တွေမှာဖတ်ရှုနိုင်ပါတယ်။
ရိုက်တာသတင်းဌာနရဲ့ သတင်း >>> https://bit.ly/3JTcg4T
DVB သတင်းဌာနရဲ့သတင်း>>> https://bit.ly/4n0Imdp
PVTV ရဲ့ သတင်း>>> https://bit.ly/47gktKd
သုံးသပ်ချက်
အထက်မှာဖော်ပြခဲ့တဲ့အတိုင်း အချက်အလက်စိစစ်ကြည့်လိုက်မယ်ဆိုရင် စစ်လော်ဘီတွေဟာ အာဏာသိမ်းစစ်တပ်က ပြုလုပ်မယ့် အတုအယောင်ရွေးကောက်ပွဲကို ပြည်သူတွေ ထင်ယောင်ထင်မှားဖြစ်လာစေဖို့အတွက် ရည်ရွယ်ပြီး အမေရိကန်နဲ့အာဆီယံက စစ်တပ်ပြုလုပ်မယ့် အတုအယောင်ရွေးကောက်ပွဲကို ထောက်ခံတဲ့ပုံစံနဲ့ သတင်းအမှားဖြန့်ဝေထားတာကို တွေ့ရမှာဖြစ်ပါတယ်။ ဒါကြောင့် ဒီအကြောင်းအရာဟာ လုပ်ကြံဖန်တီးထားတဲ့သတင်းအမှားဖြစ်ပါတယ်။
စာဖတ်ပရိသတ်တွေအနေနဲ့ လူမှုကွန်ရက်ဆိုရှယ်မီဒီယာပေါ်မှာ တွေ့ရှိရတဲ့ သတင်းအကြောင်းအရာ တိုင်းကို အလွယ်တကူ လက်ခံယုံကြည် ပြီး Share မလုပ်ကြဖို့အတွက်ကိုလည်း တိုက်တွန်းချင်ပါတယ်။
တကယ်လို့ ကိုယ်တိုင် သတင်းအမှား/အမှန် ခွဲခြားရခက်နေတယ်ဆိုရင် ဟုတ်တယ် Vs မဟုတ်ဘူး ရဲ့ ဖေ့ဘွတ်ခ်ပေ့ချ် Messenger မှာ သိချင်တဲ့ သတင်းအကြောင်းအရာကို လင့်ခ် ဒါမှမဟုတ် Screenshot တွေနဲ့အတူ လာရောက်ပေးပို့ပြီး သတင်း အမှား/ အမှန် ခွဲခြားခိုင်းလို့ရပါတယ်။ အမြန်ဆုံးစိစစ်ပြီး ပြန်လည်အကြောင်းပြန်ပေးသွားပါမယ်။
Web – https://theredflagmedia.org/
Fb – https://www.facebook.com/realornot.mm
#RealorNor(ဟုတ်တယ် Vs မဟုတ်ဘူး) #Fact-check #အချက်အလက်စစ်ဆေးခြင်း #အတုအယောင်ရွေးကောက်ပွဲ
