ဖက်ဒရယ် FM၊ The Red Flag
ဩဂုတ်လ ၇ ရက်
ကရင်နီပြည် ထူးချောင်းဖက် လေကြောင်းတိုက်ခိုက်မှုအတွင်း KNDF၊ KNPP၊ PDF ( ၂၀) ကျော်သေဆုံးခဲ့ကြောင်း စစ်ကောင်စီဝါဒဖြန့်ချန်နယ်က ဖြန့်ချိနေပါတယ်။
အဆိုပါ အကြောင်းအရာကို စစ်ကောင်စီဝါဒဖြန့် ချန်နယ်တစ်ခုဖြစ်သော နေပြည်တော်တယ်လီဂရမ် ချန်နယ်က ပြီးခဲ့တဲ့ ဩဂုတ်လ ၄ ရက်နေ့မှာ စတင်ဖြန့်ချိခဲ့ပြီး ပျံ့နှံ့မှုတွေ များနေပါတယ်။
မူရင်းလင့်ခ် – https://t.me/KKM28640/15731
တယ်လီဂရမ်တွင် ပျံ့နှံ့နေသော အကြောင်းအရာနှင့် ပတ်သက်၍ Myanmar Fact-checking Network ၏ အဖွဲ့ဝင်ဖြစ်သော ဖက်ဒရယ် FM က အချက်အလက် စစ်ဆေးကြည့်ရာ သတင်းအမှားဖြစ်ကြောင်း စစ်ဆေးတွေ့ရှိခဲ့သည်။
သတင်းစိစစ်ချက်
အဆိုပါ ဗုံးကြဲခံရမှုနဲ့ ပတ်သက်ပြီး ကရင်နီက စစ်ဘေးရှောင်ကူညီစသူတစ်ဦးက ဗုံးကြဲခံရမှု မှတ်တမ်းဗိဒီယို ကို သူ့ရဲ့လူမှုကွန်ယက်စာမျက်နှာမှာ ဖော်ပြထားပါတယ်။
“3.8.2025 ညနေ4နာရီ53မိနစ် ကရင်နီတစ်နေရာ၊ အကြမ်းဖက် စကစ၏ ခရီးသွားအရပ်သားပြည်သူများ အပေါ် ဗုံးကြဲတိုက်ခိုက်မှုအပြီး” ဆိုပြီး တင်ထားပါတယ်။
သတင်းလင့်ခ် – https://www.facebook.com/share/v/18HbNckbZx/
“ကရင်နီပြည်၊ ဘောလခဲမြို့နယ်တစ်နေရာကို မနေ့ ဇူလိုင်လ ၃ ရက်၊ ညနေပိုင်းမှာ ပေါင် ၂၀၀ ဗုံးနဲ့ ကြဲချတိုက်ခိုက်ခဲ့တဲ့အတွက် အရပ်သားပြည်သူ ၅ ဦးထိခိုက်ပြီး သေဆုံးဦးရေကိုတော့ အတိအကျမသိရကြောင်း၊ လက်ရှိအထိ လေယာဉ်ကြဲခံရတဲ့နေရာနဲ့ အဆက်အသွယ်ပြတ်တောက်နေသေးတဲ့အတွက် ထိခိုက်သွားတဲ့ အရပ်သားပြည်သူတွေရဲ့ အခြေအနေကို မသိရသေးဘဲ ဖက်ဒရယ် FM အနေနဲ့ ဆက်လက်စုံစမ်းနေဆဲဖြစ်ကြောင်း၊ ဂျက်ဖိုက်တာနဲ့ ပေါင် ၂၀၀ နှစ်လုံး၊ သုံးလုံးလောက်ကြဲကြောင်း” ဖက်ဒရယ် FM သတင်းဌာနမှာ သတင်းဖော်ပြထားပါတယ်။
သတင်းလင့်ခ် – https://www.facebook.com/share/v/16xTLjrBEL/
ဒီကိစ္စနဲ့ ပတ်သက်ပြီး တော်လှန်ရေးရဲဘော်တစ်ဦးကို ဖက်ဒရယ်FMက ဆက်သွယ်မေးမြန်းထားပါတယ်။
“ထိသွားတာက ပြည်သူတွေပါ။ ထိခိုက်သွားတဲ့ ပြည်သူအရေအတွက်ကိုတော့ အသေးစိတ်မသိရသေးပါဘူး။ အချက်အလက်ဆက်လက်စုံစမ်းနေဆဲဖြစ်ပါတယ်” ဆိုပြီး ပြန်လည်ဖြေကြားခဲ့ပါတယ်။
သုံးသပ်ချက်
သတင်းမီဒီယာတွေရဲ့ ဖော်ပြချက်နဲ့ ရဲဘော်တွေရဲ့ ဖြေဆိုချက်အရ အဆိုပါလေကြောင်းတိုက်ခိုက်ခံရမှုမှာ ဒေသခံပြည်သူတွေသာဖြစ်ကြောင်း တွေ့ရပါတယ်။
ဒါကြောင့် စစ်ကောင်စီဝါဒဖြန့်တယ်လီဂရမ်မှာ ပြန့်နှံ့နေတဲ့ “ ထူးချောင်းဖက် လေကြောင်းတိုက်ခိုက်မှုအတွင်း KNDF၊KNPP၊PDF ( ၂၀) ကျော်သေဆုံး“ ဆိုတာဟာ တစိပ် တပိုင်းမှားယွင်းတဲ့ သတင်းအမှားဖြစ်ကြောင်းတွေ့ရှိရပါတယ်။
စစ်ကောင်စီဝါဖြန့်ချန်နယ်တွေဟာ စစ်ကောင်စီတို့ရဲ့လုပ်ရပ်တွေကို သတင်းအမှောင်ချဖို့နဲ့ ပြည်သူတွေကို ထင်ယောင်ထင်မှားဖြစ်အောင်တမင်လှည့်စားပြီး အချက်အလက်အမှားများနှင့် ဝါဒဖြန့်ချိနေပါတယ်။
လေကြောင်းတိုက်ခိုက်မှုပြီးတဲ့ အချိန်တိုင်းမှာလည်း စစ်ကောင်စီဝါဒဖြန့်ချန်နယ်တွေ စွပ်စွဲပြီး ရေးသားထားတဲ့သတင်းအမှားတွေကို MFCN မှ စိစစ်ထားသည်များကို အောက်ပါလင့်ခ်တွေ ဖတ်ရှု့နိုင်ပါတယ်။
သတိပြုရန်
Myanmar Fact-checking Network စာဖတ်ပရိတ်သတ်များအနေဖြင့် အွန်လိုင်းလူမှုပေါ်ရှိ သတင်းအချက်အလက် အကြောင်းအရာတွေကို အလွယ်တကူမယုံကြည်ဘဲ လွတ်လပ်ပြီး အမှီခိုကင်းတဲ့ သတင်းမီဒီယာဌါနမှ သတင်းတွေကို ဝင်ရောက်ဖတ်ရှုရန် အကြံပြု တိုက်တွန်းလိုပါတယ်။
ဒါ့အပြင် နောက်ပိုင်းတွင် မီဒီယာ အယောင်ဆောင်လာကြသည့် ဝါဒဖြန့်ချိသူများကိုလည်း သတိထားရန် ထပ်မံတိုက်တွန်းလိုပါတယ်။
သတင်းအမှား အကြောင်းအရာဟု သံသယရှိပါက Myanmar Fact-checking Network (facebook page) ၏ မက်ဆေ့ဘောက်သို့ အချိန်မရွေး ပေးပို့မေးမြန်းနိုင်ပါသည်။
Myanmar Fact-checking Network အဖွဲ့ဝင်တို့ အချက်အလက်စစ်ဆေးထားသည့် သတင်းတွေကို ဤနေရာတွင် ဝင်ရောက်ဖတ်ရှုနိုင်ပါသည်။
